६ महिना मन्त्री बन्न रेशम चौधरीलाई प्रचण्डको प्रस्ताव

काठमाडौं । नागरिक उन्मुक्ति पार्टीका संरक्षक रेशम चौधरीले प्रधानमन्त्री पुष्पकमल दाहाल प्रचण्डले आफूलाई ६ महिना भएपनि मन्त्री बन्न प्रस्ताव गरेको बताउनुभएको छ ।

चौधरीले आफू रिहा हुँदा प्रधानमन्त्री प्रचण्डले ६ महिनाको लागि मन्त्री बन्न प्रस्ताव गरेको बताउनुभएको हो । नागरिक उन्मुक्ति पार्टी कैलाली जिल्ला अधिवेशनमा प्रधानमन्त्रीले नागरिक उन्मुक्ति पार्टीकी अध्यक्षसमेत रहेकी आफ्नी पत्नीलाई हटाएर आफूलाई मन्त्री बन्न प्रधानमन्त्री प्रचण्डले प्रस्ताव गरेको तर आफूले अस्वीकार गरेको चौधरीले बताउनुभयो ।

‘म रिहा भएको बखत प्रधानमन्त्री पुष्पकमल दाहालले भन्नुभएको थियो, रेशमजी एउटा अध्याय समाप्त भयो, रञ्जिताजीलाई विश्राम दिएर ६ महिने मन्त्री बन्दिनुहोस्’, चौधरीले भन्नुभयो, ‘मैले रञ्जिताको दुःख देखें, यसको अधिकार रञ्जिताजी हुनुपर्छ भने उहाँलाई नै मन्त्री बनाउनुपर्छ ।’