प्रतिनिधि सभा र राष्ट्रिय सभाको बैठक आज बस्दै

काठमाडौं । प्रतिनिधि सभा र राष्ट्रिय सभाको बैठक आज बस्दैछन् । संविधानसभाका अध्यक्ष एवं नेकपा एमालेका उपाध्यक्ष सुवासचन्द्र नेम्वाङको निधनका भएपछि हिजो तय गरिएको प्रतिनिधि सभाको बैठक स्थगित भएको थियो ।

दिवंगत नेम्वाङप्रति शोक प्रस्ताव पारितको प्रयोजनका लागि आज दिउँसो ३ बजे बैठक बोलाइएको संसद् सचिवालयका महासचिव डाक्टर भरतराज गौतमले जानकारी दिनुभयो ।

यस्तै राष्ट्रिय सभा बैठक पनि आजै बोलाएको छ । दिउँसो २ बजेर ३१ मिनेटका लागि बोलाइएको बैठकमा शोक प्रस्ताव पारित गर्ने कार्यसूची रहेको छ ।