टिकटक बन्द भएपछि बालेनको यस्तो प्रतिक्रिया

 काठमाडौं । काठमाडौं महानगरका मेयर बालेन शाहले टिकटक बन्द गर्ने सरकारी निर्णय समाधान नभएको बताउनुभएको छ ।

सामाजिक सञ्जालमार्फत मेयर शाहले मर्यादित टिकटक चलाउन पाइने अपेक्षा सरकारसँग गर्नुभएको हो । टिकटक मात्र नभई अन्य सामाजिक सञ्जाललाई अनुगमन, नियमनमा ल्याउनुपर्ने उहाँको भनाइ छ ।

करको दायरामा ल्याएर गलत गर्नेलाई सेन्सर गर्ने आफ्नो संयन्त्र विकास गर्न सरकारलाई उहाँको आग्रह छ । टिकटकबाट हुने भिडिओ दुरुपयोगमा आफू पनि पीडित भएको शाहले बताउनुभएको छ ।

धेरै पटक मेरो केही समय पहिलेको भिडियो दुरुपयोग गरेर ‘टिकटक लाइभ’ गरेको देख्नुभयो होला । केही समय यता मेरो नाममा यस्ता धेरै फेक आइडी बनेका छन्,’ शाह भन्छन्,’जसले मिथ्या सूचना प्रसारण गरेका पनि छन् ।’

नेपाल प्रहरीको साइबर क्राइम, नेपाल दूरसञ्चार प्राधिकरण गुहारेको उहाँले बताउनुभयो । टिकटकले फेक आइडीमा ध्यान नदिँदा शुभचिन्तकले दुःख पाएको शाहले बताउनुभयो ।

साथै खनयाँ उद्यमीहरूलाई बजार प्रवर्द्धन गर्ने प्लेटर्फमका रुपमा टिकटकको सदुपयोग भएको उहाँको भनाइ छ।