एमाले कर्णाली अधिवेशनमा त्रिपक्षीय भिडन्त निश्चीत, २ फिर्ता लिए उमेदवारी

काठमाडौं। नेकपा एमाले कर्णाली प्रदेशको अधिवेशनमा त्रिपक्षीय भिडन्त हुने भएको छ। अध्यक्षको लागि उम्मेदवारी दिएका ५ जनामध्ये २ जनाले उमेदवारी फिर्ता लिएपछी त्रिपक्षीय भिडन्त निश्चीत भएको हो।

हिजो उमेदवारी दिएका पूर्व सभामुख राजबहादुर शाही र प्रेम बहादुर सिंहले आज उम्मेदवारी फिर्ता लिनु भएको हो।

उम्मेदवारी फिर्ता लिन तोकिएको अन्तिम समयमा शाही र सिंहले आफ्नो उम्मेदवारी फिर्ता लिनु भएको हो।

उहाँहरुले आज उम्मेदवारी फिर्ता लिएको निर्वाचन अधिकृत मातृका खनालले जानकारी दिनुभयो। अब अध्यक्षका लागि गुलावजंग शाह, मीनबहादुर शाही, प्रकाश रोकायाबीच प्रतिस्पर्धा हुनेछ।